БНСУ-аас Монгол Улсад суугаа ЭСЯ

БНСУ-аас Монгол Улсад суугаа Элчин сайд Чой Жин Вон 6-р сарын 25-ны (Пүрэв гарагт) өдөр “Монгол Улсын Шүүх шинжилгээний ерөнхий газрын чадавхыг бэхжүүлэх  төслийн хаалтын ёслол”-д оролцов.

Элчин сайд Чой Жин Вон баяр хүргэсэн үгэндээ “Энэхүү төсөл нь сүүлийн таван жилийн хугацаанд KOICA-ын албан ёсны буцалтгүй тусламжийн(ODA) төслийн хүрээнд амжилттай хэрэгжсэн жишиг төсөл болсныг цохон тэмдэглээд Монгол Улсын Шүүх шинжилгээний байгууллагын туршилт судалгааны төв дэвшилтэт тоног төхөөрөмжөөр шинэчлэгдэж, мэргэжлийн боловсон хүчин бэлтгэгдэх боломж бүрдсэнээр олон улсын стандартад нийцсэн шүүх шинжлэх ухааны бааз болж байгаа нь олзуурхууштай бахархам явдал болж байна.”

Цаашид БНСУ-ын Засгийн газар Монгол Улсын шүүх шинжилгээний салбарын хөгжилд дэмжлэг үзүүлж, судалгаанд суурилсан аюулгүй, шударга нийгмийг бүтээхэд дэмжлэг үзүүлэн ажиллахаа илэрхийлэв.